ശസ്ത്രക്രിയ
അവസാന നിമിഷം അടുത്തു,
ഒരാളെങ്കിലും രക്ഷ പ്രാപിച്ചെങ്കിൽ !
മലര്ന്നു കിടന്ന ഉത്തര കടലാസിന്റെ-
ഹൃദയമമര്ത്തി പിടിച്ച്,
തലങ്ങും വിലങ്ങും പരിശോധിച്ചു കൊണ്ട്,
മുകളില് നിന്ന് ശസ്ത്രക്രിയ തുടങ്ങി!
പരിശ്രമം വ്യര്ത്ഥമാണെന്നറിഞ്ഞിട്ടു-
മോര്ത്തുനോക്കി : മുന്പരിചയമില്ല !
നാഴികകള് ജെറ്റ് പോലെ പാഞ്ഞു .
വെട്ടിയും കുത്തിയും വൃത്തി-
കെട്ടാ ശരീരം ട്വയിന് ഉപയോഗിച്ച് കെട്ടി .
''21'' കാലന്റെ വിളി .
''ദയവായി ഒരു നിമിഷം,
ഒരു ക്ഷണം കൂടി മാത്രം ''
കൂര്ത്തൊരു നോട്ടത്തോടാ-
ദേഹിയെ വലിച്ചെടുത്തു 'കാലന്'.
പുറത്തു കടന്നപ്പോള് പലരും തിരക്കി :
''സർജറി ?''
''മരിച്ചു .''
''ഇന്നും അതെ കൈപിഴ ?''
നെടുവീര്പ്പോടെ!
''അതെ, കണക്കിനെ പോലെ
സാമൂഹ്യ ശാസ്ത്രവും
ശ്വാസംകിട്ടാതെ മരിച്ചു !''
Comments
Post a Comment